Deba

Haurrentzako XXI. Margo Lehiaketa antolatu da herrian datorren larunbatean

Debako herriak Debarren Eguneko festak ospatuko ditu datorren asteburuan zehar eta, ohitura, denez, haurrentzako margo lehiaketa egingo da jai handi horien baitan.

Aurtengoa Haur Margo Lehiaketaren XXI. edizioa izango da eta bertan Deban bizi diren edo ikasten duten 16 urte bitarteko neska-mutil guztiek parte hartzeko aukera izango dute.

Lehiaketa datorren larunbatean egingo da, hilaren 18an, eta parte hartzeko interesatuek 09:30ean eman ahalko dute izena udaletxe azpian (bertan banatuko zaizkie margolanak egiteko beharrezkoak izango dituzten laminak).

Haur eta gaztetxoek 13:30ak baino lehen aurkeztu beharko dituzte «nahitaez, aire zabalean» egin beharko dituzten lanak eta epaimahaiak 17:00etan emango ditu ezagutzera saritutako obrak Kultur Elkartean. Guztira lau sari emango dira, adinaren araberako mailetan.