Deba

Kopraixak bihar hasiko dira Itziarren

Kopraixak hemen dira. Itziarko jai nagusiak ate joka direla eta, dena prest dago festa giroan murgiltzeko ostiraletik asteazkena arte. Bihar ostirala, jubilatuen eguna izango da eta 12:30ean, Meza nagusia izango da Itziarko elizan. Ondoren, herriko dantzarien emanaldia iragarri dute. Arratsaldeko 14:00etan, jubilatuen bazkaria, Salegi jatetxean. Bukatutakoan. Omenduei oroigarriak, herriko bertsolarien emanaldia eta Ostolaza eta Larrañaga trikitilariak. Gaueko 21:00. Bertso afaria Donibane Elkartean.

Larunbatean berriz, goizeko 10:30ean, umeen pilota partidak Zabalsoro frontoian jokatuko dira. Arratsaldeko 16:00etatik aurrera, VII. Itziar Trail mendi lasterketa. Gero, 16:15ean, Haurren VII. Itziar Trail proba jokatuko da. 19:00etan, Joselontxo's txaranga, Burugorri ostatutik abiatuta. 19:30ean, txupinazoa izango da plazan. Marixiri ongietorria egingo zaio eta danborrada eta buruhandiak aterako dira. 23:30. Erromeria Beranduegi taldearekin.

Igandean, goizeko 08:00etan, sokamuturra izango da eta 11:30ean, Meza nagusia Itziarko elizan. Eguerdiko 12:00etan, txakolin dastaketa plazan egingo da, ekoizleak Flysch eta Erlete Goikoa izango direlarik. Gero, 13:00etan, harri-jasotze erakustaldia Udane Ostolazaren eskutik izango da plazan.

Arratasaldeko 18:00etan. Bikoteen arteko XIX. Dantza solte txapelketa jokatuko da, Jon Ostolaza eta Rakel Pujana trikitilariekin, plazan. Ondoren. Sokamuturra eta gaueko 22:30ean, Niko Etxart eta Hapa-Haparen kontzertua plazan.

Astelehenean, asteartean eta astekenean aurrera jarraituko dute jaiek. Heldueen eguna izango da Itziarren astelehenean. Asteartean berriz umeena eta hauen-tzako hamaika ekitaldi antolatu dira eta asteazkenean, gazteen txanda izango da. Hauentzat ere hitzordu bereziak ziango dira.