Deba

Liburuaren Eguna ospatzeko ekintza ugari antolatu dituzte

Debako Udalak adin guztietako herritarrei zuzenduta dagoen ekitaldiz betetako egitaraua antolatu du datorren asteartean ospatuko den Nazioareko Liburuaren Egunaren harira.

Asteartean bertan IV. Marrazketa eta Ilustrazio lehiaketaren sariak (11;30ean udaletxean) eta 'Deba ehun hitzetan' literatur lehiaketaren sariak (19:00etan, Ispiluen Gelan) banatuko dira.

Egitarauarekin jarraiki, mikrofono irekia, liburu azoka eta literatur bermuta izango dira hilaren 27an (11:00etatik 14:00etara bitartean) Kultur Elkartean.

Hurrengo egunean, berriz, euskal kostaldeko emakumeak omentzen dituen 'Mareak' ikus-kizunarekin disfrutatu ahalko da Ispiluen Gelan, 19:00etan eta Toti Martinez de Lezearen, Gorka Hermosaren eta Edurne Zabaloren partaidetzarekin.

Azkenik, Delphine de Viganen 'Los reyes de la casa' obran oinarritutako Irakurketaren Klubaren saioa izango da hilaren 30ean, 19:00etan eta Ainhoa Aldazabalek dinamizatuta.