Deba

Marinelei gorazarre egiteko eguna

Aurrera doaz San Roke jaiak giro eder bezain epelean. Ostiralean zaindiariaren eguna ospatu ostean, larunbat honetan Mariñel egunari heltzeko txanda helduko zaie debar eta bisitariei. Zapi gorria kendu eta koadroduna janzteko eguna. Hala, Kardantxulo kantuan izango da goizean goiz (7:30) eta Jorrai dantza 10:30etik aurrera Gure-Kai dantza taldea eta Kalez kale txistulari taldearen eskutik.

Arratsaldean, Lizarrako gaiteroek eta Oria txarangak girotuko dute kalejira, enbolatuen lehen entzierroaren aurretik (18:00). Horren ostean, urtero arrakastatsuenetarikoa izan ohi den hitzordua: kuadrillen arteko jokoak plazan, Hamarru elektrotxarangak alaiturik.

Gauerdian Larrain-dantza izango da plaza Zaharrean, eta J Martina eta Dupla taldeen kontzertuak, eguna amaitzeko, Zumardiko karpan.