Deba

Umeekin euskaraz jolasteko azken saioak izango dira hilabete honetan

Debako Udalak herriko familiak elkarrekin euskaraz jolasean aritzeko antolatzen duen Bastiñuixan egitasmoa ikasturteko azken txanpan sartu da. Izan ere, programaren azkenengo saioak maiatzeko ostegunetan (hilaren 9, 16, 23 eta 30ean) egingo dira Zumardiko kioskoan (euria bada Ifar kaleko eskolako patioan).

Hasteko, 3 eta 5 urte bitarteko umeentzako saioak burutuko dira 16:30ean (haurrekin pertsona helduak egon behar dira). Ondoren (17:30ean) 6 eta 9 urte bitarteko umeentzako saioak izango dira.