2.700 eurotik gora batu zituzten larunbateko santa eskean aritu ziren 60 lagunek

Joan den larunbatean, San Ageda bezperan, Mendaroko herrigunean eta nekazal auzoetan kantuan eta eskean aritu zen 60 bat laguneko taldeak 2.710 euro batzea lortu zuen, herritarren eskuzabaltasunari esker.

Koplariak eta trikitilariak hiru taldetan banatuta, Mendaroko santa eskekoak 8:30etik 15:30era bitartean aritu ziren koplak kantari, eta horren ondoren, jardunaldia borobiltzeko bazkari ederra ospatu zuten Aizpe elkartean.

Eskekoak pozik agertu dira herritarrek larunbatean eskaini zieten harrerarekin eta «era batera edo bestera lagundu ziguten guztiei» eskerrak eman dizkiete. Guztira 2.710 euro batu zituzten, eta eguneko gastuak ordainduta, gainerako dirua (1.150 euro) Gazteak euskal dantza taldeari eman diote.