Mendaro

'Alaia galtzagorria' txotxongilo ikuskizuna izango da bihar San Agustinen

Ostomila txotxongilo taldeak 'Alaia galtzagorria' haurrentzako ikuskizuna eskainiko du bihar (17:30ean) San Agustin aretoan. Emanaldia euskaraz izango da eta bertaratzen direnek «antzinako leku bateko tradizioak eta musika ezagutzeko bidaia» egin ahalko dute aretotik irten gabe. Ikuskizunean «deabru txiki bihurri batek altxorra lapurtuko du Orozkoko kobazulotik. Zezengorrik, altxorraren zaindari den minotauroak, Alaiari deituko dio altxorra berreskuratzen laguntzeko». Horrela, elkarrekin sartuko dira euskal mitologiaren munduan.