Mendaro

Anjel Bazterretxea oroitzeko ikus-entzunezkoa emango dute gaur sarrerak agorturik

Elgoibarko Izarra elkarteak Mendaroko Udalaren babesarekin antolatuta, 54 urte Mendaroko abade izan zen Anjel Bazterretxea omentzeko egitaraua gauzatzen ari dira azken egunotan herrian; eta hori borobiltzeko 'Anjel Bazterretxea, herrigintzan akuilu eta hauspo' ikus-entzunezkoa emango dute gaur arratsaldeko 18:30ean, San Agustin aretoan (177 eserleku daude eta sar-tzeko gonbidapenak agortu dira).

Lan horretan, Bazterretxea ondo ezagutu zuten hemezortzi lagunen testigantza jasotzen dira eta ekitaldian Anjel Bazterretxearen senide eta lagunek ere parte hartuko dute.

Bestalde, Bazterretxearen argazki-bildumatik ateratako erretratuekin osatutako 'Herri bat, mila oroitzapen' erakusketa bihar arte ikus daiteke (10:00etatik 13:00etara, eta 17:00etatik 20:00etara) jubilatuen ondoko lokalean.