Mendaro

Arima eta Ama Say taldeen kontzertua hilaren 21ean San Agustin kulturgunean

Udaberriari ongietorria eman nahian, Gararock-ekoek emanaldi bikoitza prestatu dute Aste Santuetako oporren osterako. Hala, hilaren 21ean bi talde handi arituko dira San Agustin kulturgunean, biak ere orain gutxi Bonberenea Ekintzak kaleratu berri duen disko berria aurkezten, gainera. Alde batetik Arima, Mendaron jada ezaguna den taldea, Gararock 2021ean kontzertu bikaina eman baitzuten. 'Beldurrez beste egitean' da bere azken lanaren izenburua. Eta, bestetik, Ama Say, 90eko hamarkadako Noise euskaldunean funtsezko taldea izandakoa eta 'Ero bomb' diskoarekin itzuli direnak. Hitzordua, hilaren 21ean, ostiralarekin, 21:30etik aurrera.