Mendaro

Ekainaren 26an hasiko diren udaleku irekietan aritzeko izena hilaren 12ra arte eman daiteke

Udalak udako oporraldirako prestatu dituen udaleku irekiak ekainaren 26tik uztailaren 21era arte burutuko dira aurten eta parte hartzeko interesa dutenek (HHko 3. mailatik LHko 6. mailara arteko umeak) hilaren 12ra arte eman ahalko dute izena Mendaro.eus web gunearen bitartez edota Ludotekan, Liburutegian eta Udaletxean eskuragarri dagoen inprimakia udaletxera eramanda.

Udalekuak bi txandatan egingo dira (lehena ekainaren 26tik uztailaren 7ra eta bigarrena uztailaren 10etik 21era) eta prezio arrunta txanda bakoitzerako 70 eurokoa da (familia mota ezberdinetarako deskontuak daude).