Mendaro

Errefuxiatuen eskubideen aldeko elkarretaratzea egingo dute gaur

Gaur, ekainak 20, Errefuxiatuen Nazioarteko Eguna ospatzen dela eta, Mendaroko Tratu Onen Aldeko Taldeak eta Ongi Etorri Errefuxiatuak plataformak errefuxiatuek dituzten eskubideak aldarrikatzeko elkarretaratzea antolatu dute arratsalderako.

Gaurko protesta ekitaldia 20.00etan izango da, Mendaroko Enparantza Nagusian eta 'Europaren lotsak' lelopean.

Elkarretaratze ekitaldian errefuxiatuen giza eskubideen urraketa guztiak salatuko dituzte: «iaz 2.000 bat lagun Marokoren eta Espainiaren arteko muga zeharkatu nahian ari zirela Poliziak eragindako sarraskia, Greziako kostaldean joan zen asteartean gertutako giza hondamendi handia, asilo eskaera ukazioak...».