Etzi frontoian izango den 'Playback' saiorako izen ematea gaur arte da

Arno guraso taldeak nahi duten herritar guztien partaidetzari irekitako 'playback' saioa antolatu du Inauterietarako. Ekitaldia larunbatean egingo da, iluntzeko 19:00etatik aurrera eta Goñati frontoian. Antolatzaileek jakinarazi dutenez, 'playback' saioan parte har-tzeko interesa duten guztiek gaur arte eman dezakete izena.

Horretarako, ekintzakarno@ gmail.com helbide elektronikora idatzi behar da «play-backerako aukeratutako abestiaren, parte hartzaile kopuruaren eta horien adinaren berri emanez».Hori bai, Arno guraso taldetik jakinarazi dute 'play-back' siorako ez dutela abesti iraingarririk onartuko.

Mendaroko Udalak ere hainbat ekintza prestatu ditu larunbateko festa egunerako.Hasteko, Bizipoza txarangaren kalejira izango da, 12:30etik aurrera, herriko kaleetan zehar. Arratsaldean, berriz, haurrentzako txokolate-jana egongo da Goñati pilotalekuan (18:00etan hasita) eta 'playback' saioa amaitu ondoren DJ batek girotuko du gaua. DJaren musika emanaldia 21:00etan hasiko da, frontoian bertan.