Mendaro

Euskadiko IV. Asteklima dela eta, hitzaldiak eta tailerrak egongo dira datorren astean Itziarren

Itziarko Auzo Udalak bat egin du Eusko Jaurlaritzak bultzatzen duen Asteklima, Klimaren eta Energiaren Astearen laugarren edizioarekin.

Hori dela eta, nahi duten guztien partaidetzari irekitako tailerrak eta hitzaldiak egingo dira datorren astean zehar Itziarren, beti ere, «herritarrak beharrezko trantsizio energetikoaren eta klimatikoaren aurrean kontzientziatzeko eta mobilizatzeko helburuarekin».

Hasteko, plastikoa birziklatzeko teknika aurreratuak ikasteko 'Precious Plastic' taillera izango da bihar (18.00etan) Apaiz Etxeko sotoan.

Asteartean, berriz, 'Larrialdi klimatikoari aurre egiteko baliabide energetikoak' izeneko hitzaldia egongo da (19.00etan) Burugorri gainean.