Mendaro

Haurrentzako ipuin kontaketa saioa izango da ostegun honetan Udal Liburutegian

Mendaroko Udalak hilaren 20an mundu osoan zehar ospatuko den Liburuaren Nazioarteko Egunarekin bat egin du eta horregatik haurrentzako ipuin kontaketa saioak antolatu ditu datozen egunetarako.

Aurreneko ipuin kontaketa ostegunean bertan egingo da, Udal Liburutegian eta eskarmentu handia duen Ixabel Millet ipuin kontalariaren eskutik.

Udaletik jakinarazi dutenez saioa 17:45ean hasiko da eta 4 eta 8 urte bitarteko neska-mutilei zuzenduta egongo da.

Bestalde, Elssie Xalbador ipuin kontalariak umeentzako saio berri bat eskainiko du igandean (18:00etan) San Agustin aretoan.