Mendaro

Haurrentzako irakurketa klubaren sei saio antolatu dituzte ikasturte honetarako

Arno guraso elkarteak Udalaren laguntzarekin antolatu duen 'Letren harietatik jolasean' haurren irakurketa kluba joan den asteartean jarri zen martxan, aurreneko saioarekin.

Ekimena Mireia Delgado bitartekari literarioa eta ipuin kontalariaren gidaritzapean burutuko da eta bertan HH5etik LH6ra arteko neska-mutilekin osatutako hiru talde izango dira parte hartzen.

Aurrenekoaz aparte, haurren irakurketa klubaren beste bost saio egingo dira ikasturte berri honetan (azaroaren 26an, urtarrilaren 28an, otsailaren 25ean, martxoaren 25ean eta maiatzaren 13an) eta egun horietan liburutegia itxita izango da, arratsaldez, gainontzekoentzat.