Mendaro

HH5etik LH6ra arteko ikasleei zuzendutako haur krosa izango da bihar Mendaron

Mendaroko txirrindulari elkarteak haur krosaren edizio berri bat antolatu du larunbat honetarako Udalaren laguntzarekin.

Kirol proba 17.00etan hasiko da Mendarozabalen, eta horren baitan neska-mutilen adinaren araberako bost lasterketa izango dira.

Hasteko HH5 eta LH1eko ikasleen txanda izango da. Hauek itzuli bat eman beharko diote prestatutako ibilbideari.

Jarraian, LH2 eta LH3ko gaztetxoen lasterketa izango da (bi itzuli) eta hori amaitzerakoan LH4ko haurren proba, (hiru itzuli), LH5eko neska-mutilen lasterketa (4 itzuli) eta LH6koen proba (5 itzuli) jokatuko dira.

Parte hartu nahi dutenek 16.30ean eman beharko dute izena Mendarozabalgo plazan.