Mendaro

Iruri Altzerreka garaitarrak irabazi du 'Txirristaka' zenaren oroimenez aurten antolatutako bertsopaper lehiaketa

Iruri Altzerreka Martinezek (Garai, Bizkaia, 2000) irabazi du Eusebio Mugertza 'Txirristaka' bertsolariaren jaiotzaren 150. urtemugaren harira Mendaron antolatutako bertsopaper lehiaketa.

Sariketaren kategoria nagusian (2005ean edo lehenago jaiotako Euskal Herriko bertsozaleek parte har zezaketen) 14 lan aurkeztu zituzten eta epaimahaikideen ustetan Iruri Altzerreka Martinezen bertso-sorta izan da onena.

Hori dela eta, Txirristaka Saria bertsopaper lehiaketaren irabazleak 1.000 euro eta garaikurra eskuratu zituen Enetz Ezenarro alkatearen eskutik. Sariketaren bigarren saria (500 euro eta garaikurra) Oier Etxeberria Zubimendi azpeitiarrak jaso zuen.

Bertsopaper lehiaketaren A kategorian (2010ean edo ondoren jaiotako Debabarreneko bertsozaleentzat) 74 lan aurkeztu ziren eta irabazlea Luken Zulaika Argoitia mendaroarra izan zen (bigarren saria Axular Larrañaga Gonzalezentzat izan zen).