Mendaro

LGTBIQ+ kolektiboari buruzko kontzientzia sortzeko 'Zarata' proiektua ikusi ahalko da bihar

LGTBIQ+ kolektiboari buruzko kontzientzia sortzeko diseinatutako 'Zarata' entzumen-ibilbide berritzailea bihar arratsaldean helduko da mendaroko Jubilatuen lokalera.

Proiektuaren erakusketa 16:00etatik 20:00etara egongo da irekita baina Udaletik jakinarazi dute «19.00etatik aurrera ezin izango dela inor sartu».

'Zarata' poiektua entzunezko ibilbide gidatu batean datza: «parte-hartzaileek, kasko edo entzungailuekin hornituta, hamar euskal artista ezberdinen ahotsekin prestatutako audio bat entzungo dute euskaraz edo gaztelaniaz».

Artista bakoitzak LGTBIQ+ kolektiboaren aniztasunari eta erronkei buruzko hausnarketara gonbidatzen duen istorio bat partekatuko du.

Entzunezkoaz gain, ikusizko estimuluekin (irudiak, argazkiak eta albisteak barne) aberastuko da ibilbidea.