Mendaro

Liburutegien Nazioarteko Eguna ospatzeko ipuin kontaketa saioa antolatu dute azaroaren 2rako

Urriaren 24an Liburutegien Nazioarteko Eguna da eta hori ospatzeko Mendaroko udal liburutegiak ipuin kontaketa berezia antolatu du azaroaren 2rako.

Ipuin kontaketa saioa 'Liburua, horixe altxorra' izenburupean egingo da eta ipuin kontalaria zeregin horretan eskarmentu handia duen Alberto Bargos izango da.

Liburutegien Nazioarteko Eguna ospatzeko ipuin kontaketa saioa 17:45ean hasiko da eta bertan 4 eta 8 urte bitarteko neska-mutilek parte hartu ahalko dute. Udal liburutegiak herriko ume guztiak gonbidatzen ditu saiora gerturatzera.