Mendaro

Mendaroarrek giro ezin hobean egin zuten Kontzezio azoka

Mendaroarrek eta inguruko beste herrietatik gerturatutako ehunka lagunek Kontzezio azokaren edizio berri bat ospatu zuten joan den larunbatean, festa giro ezinhobean. Goizean zehar, animalien erakusketa, baserritarren eta artisauen postuak, trikitilarien kalejira, dantzaldia eta XI. Sagardo lehiaketa (irabazlea Izeta sagardogilea suertatu zen) izan ziren: Arratsaldean, berriz, Tope Natxiok herriko giza-proba taldekoek Jon Salegi 'Sarobe' taldeko gidari izandakoa omentzeko antolatutako tiraldia, Lehian taldearekin erromeria, sahieski errearen dastaketa eta DJak izan ziren.