Mendaro

Mendaroko XI. Pintxo Lehiaketa datorren astebukaeran egingo da

Medaroko XI. Pintxo Lehiaketa izango da datorren larunbat eta igandean. Lehiaketan herriko Aitz Beltz, Lagun Betikoak, Ormola eta Uztargi tabernek hartuko dute parte. Larunbatean zein igandean, lehiaketaren ordutegia berdina izango da: goizeko txanda 12:00etatik 15:00etara bitartean izango da, eta arratsaldekoa, aldiz, 19:00etatik 21:00etara.

Pintxo onena aukeratzen laguntzen dutenen artean 50 euroko hiru erosketa-bonu zozketatuko dira. Gainera, larunbat arratsaldea Bizi Poza Txarangak alaituko du kale giroa, kalejira bat eskainiz 19:00etatik aurrera.