Mendaro

Musika eskolako ikasleek kurtso bukaerako jaialdia izango dute hilaren 15ean herriko plazan

Mendaroko Ameikutz musika eskolak ikasturteari amaiera emateko jaialdia antolatu du datorren ostegunerako.

Jaialdia 19:00etan hasiko da Herriko Enparantzan eta bertaratzen direnek musika eskolako ikasleek azken ikasturtean ikasitakoarekin prestatutako erakustaldiarekin disfrutatzeko aukera izango dute.

Ameikutzetik jakinarazi dutenez kurtso bukaerako jaialdiak ordubete inguruko iraupena izango du eta bertan eskolako ikasleek hartuko dute parte, «txikienetatik hasita».

Hala, musika eskolako tailer ezberdinetan aritutako neska-mutilen emanaldiak izango dira hilaren 15ean plazan. Abesbatzak eta biolina, tronpeta, txistu, triki-pandero eta konboko ikasleak igoko dira oholtzara.