Mendaro

Musika eskolakoek Herriko Enparantzan eskainiko dute gaur kurtso bukaerako jaialdia

Ameikutz musika eskolak ikasturteari amaiera emateko jaialdia egingo du gaur.

Jaialdia 19:00etan hasiko da Herriko Enparantzan eta bertaratzen direnek musika eskolako ikasleek azken ikasturtean ikasitakoarekin prestatutako erakustaldiarekin disfrutatzeko aukera izango dute.

Ameikutzetik jakinarazi dutenez kurtso bukaerako jaialdiak ordubete inguruko iraupena izango du eta bertan eskolako ikasleek hartuko dute parte, «txikienetatik hasita».