Sendi Anaitasuna elkarteak igandean egingo du bere batzar nagusia

Pandemiak eragindako hiru urteko etenaren ondoren, Mendaroko Sendi Anaitasuna elkarteak batzar nagusia egingo du datorren igandean. Bilera 11:30ean hasiko da Azpilgoetako elizan eta bertaratzen ez diren bazkideek 10 euroko isuna ordaindu beharko dute.

Batzar Nagusirako prestatutako gai ordenean hiru puntu agertzen dira. Lehenik eta behin, Sendi Anaitasuna elkarteko zuzendaritza taldeak azken hiru urteetako kontuen balantzea aurkeztuko du bazkideen aurrean. Horren ondoren bazkideen zerrenda irakurriko dute eta, amaitzeko, zuzendaritza taldearen aldaketa jorratuko da.

Sendi Anaitasunatik jakinarazi dutenez, elkarteko bazkide izateko izena eman nahi duten herritar guztiek ere izango dute datorren iganderako antolatutako batzar nagusian parte hartzeko aukera. Era berean, herritarrek «zuzendaritza taldeko kideren batekin harremanetan jarri daitezke» izena emateko.