Mendaro

4 - 7 urteko umeen gurasoentzako hitzaldia antolatu du musika eskolak ostiral honetarako

Mendaroko Ameikutz musika eskolak 4 eta 7 urte bitarteko haurren gurasoei zuzendutako hitzaldia antolatu du ostiral honetarako Udalaren laguntzarekin.

Ekitaldia 'Umea hazi, musika biziz' izenburupean burutuko da (18:00etan), udaletxeko udalbatza aretoan eta Beatriz Garcia adituaren eskutik.

Ameikutzetik jakinarazi dutenez, hizlaria «musikak eta psikomotrizitateak umeen garapenean duten garrantziaz» arituko da. Musika eskolak herriko gurasoak animatzen ditu hitzaldira gerturatzera.