Mutriku

Kirol Sariak eman dituzte

Zabiel kultur etxeak Mutrikuko XII. Kirol Gala hartu zuen joan den ostiralean eta bertan herriko kirolari onenaren saria, kirol talde onenaren saria, kirol ibilbide onenaren saria eta kirol Aipamen Bereziaren saria eman zituzten, beti ere, «2023-2024 denboraldia kontutan hartuta». Ekitaldian txirrindularitza egokitua praktikatzen duen Ander Albisuk Kirolari Onenaren saria eskuratu zuen; Kirol Talde Onenaren saria Danok Bat pilota elkartearentzat izan zelarik. Era berean, arraunean patroi gisa aritutako Jenaro Zelaiak Kirol Ibilbide Onenaren saria jaso zuen; eta Kirol Aipamen Bereziaren saria artzai txakur lehiaketetan aritutako Javier Zubiaurrerentzat izan zen.