Mutriku

Malko eta Muzak taldeen kontzertua izango da datorren ostiralean herriko Gaztetxean

Aurtengoa, urte berezia da Mutrikuko Rock Kolektiboarentzat (MRK). Batetik, Abendurock ekimenak 20. edizioa beteko duelako, eta bestetik, musika elkartea sortu zela 30 urte betetzen direlako.

Hori guztia aitzakiatzat hartuta, MRK-ko kideek ekitaldiz betetako egitaraua garatuko dute urte osoan zehar.

Hurrengo ekintza datorren ostiralean izango da, Muzak eta Malko taldeen kontzertu bat, hain zuzen ere. Bi talde horien zuzeneko emanaldia 22:30ean hasiko da Mutrikuko Gaztetxean eta bertaratzeko interesa dutenek 5 euroko sarrera ordaindu beharko dute.

Ruben Irigoyen (Elgoibar), Joanes Iñurrieta (Soraluze) eta Aitor Sagarmendi (Mutriku) osatzen duten Muzak taldeak rock progresiboa jorratzen du.

Malko taldea, berriz, Oñatiko 5 gaztek osatzen dute eta estilo ezberdinak lantzen ditu.