Mutriku

Palestinaren aldeko ekintza ugari izango dira gaurtik igandera bitartean herrian

Euskal Herria-Palestina ekimenak antolatuta, Palestina bizitzen ari den egoera larria salatzeko eta palestindarrei solidaridadea azaltzeko ekintza ugari izango dira asteburu honetan zehar Mutrikun.

'Inperialismoaren aurka' izenburupean prestatutako egitaraua abian jartzeko 'Askapena' izeneko hitzaldia egongo da gaur (19:30ean hasita) Mutrikuko merkatu plazan.

Bihar, berriz, elkarretaratzea izango da (12:30ean) rotondan.

Edonola ere, Palestinaren aldeko ekintza gehienak igandean egingo dira, Mutrikuko Rock Kolektiboak eta Bertso Eskolak elkarlanean antolatuta.

Hasteko, Alexander Idoeta eta Iñigo Arrizabalaga bertsolarien saioa egongo da (12.30ean) Beheko plazan. Jarraian Lur Azpian talde mutrikuarraren emanaldia eta EndiWendiren 'pintxada izango dira (ekitaldian zehar materiala erosi ahalko da).