Mutriku

Umeen Euskal Jaia ospatuko da gaur, egun osoan zehar, herriguneko kale eta plazetan

Mutrikuarrek Gure Ametsa dantza taldeak herriko txitulari taldearen eta Udalaren laguntzarekin antolatzen duen Umen Euskal Jaiaren edizio berri batekin disfrutatzeko aukera izango dute gaur. Aurtengoan Zarauzko Jalgi dantza taldeko umeek hartuko dute parte, Mutrikuko haurrekin batera.

Edonola ere, 2024ko Umeen Euskal Jaiko egitaraua 10.30ean abiatuko da. Ordu horretan, festan parte hartuko duten haur eta gaztetxoak Albokako plazan elkartuko dira.

Horren ondoren (11.30ean) eguneko kalejira hasiko da herriguneko kaleetan zehar; eta 13.00etan Alardea izango da, Goiko plazan.

Gaurko festa eguna borobiltzeko, herritar guztien partaidetzari irekitako erromeria egongo da Beheko Plazan, 17.00etatik aurrera, Joxe Mendizabalekin.