Soraluze

Dagoeneko eman daiteke izena ludotekan eta gaztelekuan

Herriko ludotekak eta gaztelekuak ikasturte berri bati ekingo diote irailean eta zerbit-zu horiek erabiltzeko gogoa duten haur eta nerabeek hilaren 21era arte eman dezakete izena. Horretarako Internet bidez zabaldutako formularioa bete edo ludoteka, gaztelekua edota udaletxeko harrera bulegotik pasatu ahal da.

Ikasturte osorako matrikularen prezioa 40 eurokoa da baina familia batek bi matrikula edo gehiago egiten baditu prezioa 30 eurokoa izango da ume bakoitzeko. Era berean, hobariak izango dira familia ugarientzat eta zailtasun ekonomikoak dituzten familientzat.