Soraluze

Nerea Ucinek irabazi du apaingarrien lehiaketa

Nerea Ucinek eta bere familiak irabazi dute Soraluzeko Udalak antolatutako VII. Gabonetako motiboekin apaindutako balkoi eta leihoen lehiaketa. Sariketan lau familiak hartu dute parte eta epaimahaiak hainbat aspektu izan ditu kontuan irabazlea erabakitzeko orduan. Epaimahaikideen esanetan, «apainketaren soiltasuna eta armonia azpimarratzearekin batera, Ucinek eta bere familiak garrantzia berezia eman diote jasangarritasunaren ikuspegiari». Izan ere, LED argiak erabili eta tenporizadore bitartez programatuta izan dituzte argiak.