Soraluze

Udal brigadarako bi peoi kontratatzeko lan-deialdia

Soraluzeko Udalak bi peoi kontratatuko ditu sei hilabetez, Lanbidek enplegua sustatzeko ematen dituen dirulaguntzei esker; interesdunek irailaren 18a arte, datorren astelehenera arte, dute izena emateko aukera.

Soraluzeko Udalak sei hilabetez eta lanaldi partzialean (%75) bi peoi lanpostu eskaintzen ditu, Lanbidek diruz lagundutako 'Brigadaren biltegietako inbentarioa eta altzarien berritzeta' proiektua gauzatzeko, Enplegua Sustatzeko Tokiko Ekintzen programaren babesean.

Hautagaiek bete beharreko baldintzak hauek dira: Soraluzen erroldatua egotea, lan-eskaintza hau argitaratu baino lehenagoko dataz; euskarazko oinarrizko ezagutza edukitzea (gutxienez A1 edo AISA titulua eskatuko da); baldintza fisiko onak; eta eskaerak aurkezteko epea amaitzen den egunean enplegurik gabe eta Lanbideko bulegoan izena emanda izatea. Baldintzak betetzen dituzten pertsonek Elgoibarren Lanbidek duen bulegoan izena eman dezakete.