Soraluze

XXXIX. Euskarazko Idazlan Lehiaketaren sariak banatu dituzte

Soraluzeko Udalak herriko bi ikastetxeek ikasturteari amaiera emateko egindako jaialdiak aprobetxatu ditu XXXIX. Euskarazko Idazlan Lehiaketaren sariak banatzeko. Soraluzeko eskola-umeen artean euskaraz idazteko trebetasuna sustatzeko Udalak urtero antolatzen duen aurtengo sariketara ehundik gora idazlan aurkeztu dira. A mailan (LH 3-4ko umeak) Izar Uzinek eskuratu du lehen saria, Libe Elortzak bigarrena eta Helene Moyak hirugarrena; B mailan (LH 5-6ko ikasleak) irabazlea Aicha El Hilali izan da, bigarrena Lide Viciosa eta hirugarrena Iker Laskurain; C mailan (DBH 1-2) Peru Gisasolak jaso du lehen saria, Naia Rodriguezek bigarrena eta Nora Larreategik hirugarrena. Azkenik, D mailan (DBH 3-4) Malen Ugalde izan da irabazlea, Zaloa García bigarrena eta Amuitz Pérez hirugarrena.