Hondarribia

Auditorioaren kanpoaldean 'Murgildu' mural hirukoitza egin du Ainara Oskozek

Ainara Oskoz Bergaretxe hondarribitarrak 'Murgildu' izeneko murala egin du Itsas Etxea auditorioaren kanpoaldean eta Jone Iturriaren laguntza izan du Udaleko Kultura sailak babestu duen ekintza hontan.

Elizara ematen duen fatxadak hiru ate metaliko ditu eta bertan Oskoz eta Iturriak elementu nagusitzat arraina duen mural hirukoitza egin dute. Bertako paisaiari egokitutako marrazkia da, itsasoa, Marinel itsasontzia eta auditorioa beraren lotura egiten duena.

Kultura sailetik adierazi dutenez, «mural honekin bizia eman nahi zaio inguruari, transmisioa, irekiera bat. Hausnarketa bat ere planteatzen digu, modu batera edo bestera 'iturri zaharreko ur berria'. Bizi dugun garaia ausardiatik, berrikuntzatik murgiltzeko gonbidapena da».

Azken hilabetetan herrian egin den laugarren mural artistikoa da auditoriokoa.