Hondarribia
Euskaraldia girotzeko 30 ekitaldi inguru prestatu dituzte larunbatetik aurreraHondarribia
Euskaraldia girotzeko 30 ekitaldi inguru prestatu dituzte larunbatetik aurreraHondarribia
Viernes, 14 de marzo 2025, 20:10
Aurtengo Euskaraldia maiatzaren 15etik 25era izango da baina Hondarribian, eta 'Euskarari ximiko' lelopean, hainbat ekitaldi egingo dira data horiek iritsi baino lehen. Larunbat honetan, goizeko 11:00etatik 14:00etara, Kirol Kaian izango da Euskaraldiaren jai txiki bat, ekimenean izena emateko aukerarekin eta haurrentzako jokoekin, besteak beste. Ostegunean, aldiz, Laburbira film laburren emanaldia iragarri dute, kultur etxean.
Publicidad
Txapa banaketa, irakurketa saioak, hitano ikastaro laburra, liburu aurkezpenak, Euskaraldia auzoetan, tailerrak, Psilocyben kontzertua, mahai ingurua, Parketarrak, dantza saioak, mintzodromo ibiltaria, Momotxorroak dokumentala, Gamazada antzerki dantza ikuskizuna...
Guztira, 30 hitzordu inguru eta haien buru, maiatzak 24an, Santa María Magdalena plazan, erromeria, bazkari herrikoia eta euskaraokea.
Igor Enparan alkateak Euskaraldiaren helburua gogoratu du: «Hondarribitarrok euskaraz hitz egin dezagun gehiagotan eta gehiagorekin. Otsailean Euskaraldiko Herri Batzordea osatu ondoren, eta bertan herriko leloa, 'Euskarari ximiko', adostu ondoren, azken aste hauetako lanketa nagusia Euskaraldiko egitaraua prestatzea izan da eta hogeita hamar egitasmo baino gehiago prestatu dira».
Berriz ere azpimarratu zuen «Hondarribian euskararen ezagutza %70etik gorakoa dela baina erabilera, aldiz, %16koa besterik ez. Euskaraldiarekin bilatzen dena da herritarren aktibazioa, kontzientziazio bat».
Garoa Lekuona Euskara zinegotziak egitaraua «bi ataletan banatua dagoela» argitu zuen. «Batetik, maiatzaren 15 arte, adin guztietarako eta eremu ezberdin askotan egingo diren ekimenekin. Eta bestetik, 15 eta 25 artekoa, Euskaraldiaren datetan».
Publicidad
15ean, «txapa jartzeko ekitaldi kolektiboa egingo dugu eta, harekin batera, mintzodromo ibiltari bat. Ideia berriak eta ekintza berriak nahi genituen, freskura eman nahi genion, eta hori da horietako bat».
Bestea, maiatzaren 24ko euskaraokea. «Ikusten genuen behar genuela ekitaldi kolektibo bat herritarrak aktibatzeko. Gabi de la Mazarekin harremanetan jarri gara, etorriko da eta 80 partaide inguru beharko ditugu saio polita ateratzeko. Erronka handia da baina ilusioarekin gaude».
Publicidad
Igor Arrieta da Euskaraldiaren Hondarribiko dinamizatzailea eta azpimarratu zuen «udaleko beste sail batzuekin lankidetzan prestatu dugula egitaraua. Gaurtik hasita ia larunbatero eguerdian zerbait egongo da Euskaraldiaren inguruan».
Haietako bat maiatzak 3a izango da eta Hondarribira etorriko da beste behin Taberna Ibiltaria.
Suscríbete los 2 primeros meses gratis
¿Ya eres suscriptor? Inicia sesión
Te puede interesar
Pillado en la A-1 drogado, con un arma y con más de 39.000 euros
El Norte de Castilla
Publicidad
Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación.
Si continúa navegando acepta su uso. ¿Permites el uso de tus datos privados de navegación en este sitio web?. Más información y cambio de configuración.