Andoain

Aurten ere Buruntzako auzoa jaietan murgilduko da ostegun eta ostiral honetan

Uda garaian herriko auzo ezberdinetan beraien jaiak ospatzen dituzte. Urtero bezala, Buruntzako bizilagunen momentua iritsi da. Ostegun eta ostiralean hainbat ekintza antolatu dituzte.

Ostegun arratsaldean, 19:30ean, 'Kale gorrian' antzezlana ikus ahal izango da, euskaraz. Ondoren, 20:30etik aurrera, patata tortilla eta postre lehiaketa. Haur-gaztetxoen eta helduen sariak banatuko dira. Sariak: 50 euroko bonoa, Salkinera atxikitutako dendetan kontsumitzeko. Gauean berriz, Luhartz taldearekin erromeria. Ospakizun guztiak Gaztañaga sagardotegiaren kanpoaldean izango dira.

Ostirala, San Roke eguna izanik, jai egitarau bete-betearekin gozatu dute Buruntzako auzotarrek eta bertara hurbildu diren gainerako lagunek. Egitaraua 10:00etan hasiko da, Txistularien kalejirarekin, Buruntza auzoan barrena. Ondoren, auzoko hildakoen omenez, meza ospatuko da Buruntzako San Martin eliza zenaren aztarnategian.

Soka-dantza, txistularien eta Urkiko kideen parte hartzearekin, Gaztañaga sagardotegiaren kanpoaldean, 11:00etan izango da. Ondoren, Gora Kaletxiki txarangaren irteera.

Eguerdiko 12:15ean, binakako toka txapelketa mistoa jokatuko da. Eta bertsolarien txanda, 13:00etan, Aitor Mendiluze eta Agin Labururen saioarekin. Ondoren, bertso-bazkaria Gaztañagan, bertsolariekin.

Arratsaldean berriz, 18:00etatik 20:00etara, Elustondo anai-arrebak alaituko dute auzoa, Gaztañagaren kanpoaldean. Eta eguna ondo bukatzeko, Susana Cencillo eta Garazi Kamioren 'Konpasetan', bidai intimo bat emakumeen istorietan.