Andoain
Euskara Plana eta hizkuntza irizpideak onartu ditu Udalak 2027 urtera arte
Duela gutxi ospatutako Batzarraldian, aho batez onartu ziren VII. Plangintzaldiari dagozkion Andoaingo Udalaren Euskara Plana eta hizkuntza irizpideak, 2027 urtera bitarteko iraupena izango dutenak.
Publicidad
«Onarpen hau testuinguru zehatz batean egin da, gainera; izan ere, azken hilabeteetan euskararen aurkako oldarraldi judiziala bizitzen ari gara, ... eta lehendabiziko aldiz euskararen normalizazioan atzera urratsak ematen ari gara, zalantzarik gabe», azal du zuen atzo Andoni Álvarez alkateak antolatutako agerraldian. Egoera horren aurrean, Udalak adierazi nahi izan du, «erakunde publiko gisa arduraz eta konpromisoz jokatuko duela euskararen normalizazioan aurrera jarrai dezan eta gizarte osoarentzat eredu izan dadin».
Álvarezen hitzetan. «euskara eta gaztelania dira Euskal Autonomia Erkidegoko hizkuntza ofizialak; beraz, herritar guztiek dute euskara eta gaztelania jakiteko eta erabiltzeko eskubidea, nola hitzez hala idatziz, eta botere publikoek bermatu egin behar dute eskubide horien erabilera. Oinarrizko printzipio horretatik ondorioztatzen da hiz-kuntza eskubideak herritarrenak direla, eta ez botere publikoenak, eta azken horiei dagokiela eskubide horiek errespetatzea eta betetzen direla bermatzea. Horretarako jarraibideak dira, besteak beste, hizkuntza irizpideak».
Helburu nagusiak
Hauek dira hizkuntza irizpideen hiru helburu nagusiak: herritarren hizkuntza eskubideak bermatzea eta hizkuntza berdintasuna lortzea herritarrak EAEko Sektore Publikoarekin harremanetan jartzen direnean; euskararen erabilera normalizatzea eta sustatzea euskara ere zerbi-tzu hizkuntza eta lan hizkuntza izan dadin, erabilera normala eta orokorra izango duena; EAEko Sektore Publikoa euskararen normalizazioan eredu izatea.
Publicidad
Marta Lasa zinegotziak azaldu zuen bezala, «datozen urteetarako erronka nagusia, beraz, Udalean euskara gero eta gehiago erabiltzea izango da. Beraz, herritarrekiko harremanak gero eta gehiagotan euskaraz izateko urratsak emango ditugu. Horretarako, udal langileek lehen hi-tza beti egingo dute euskaraz, eta herritarrak Udalarekin euskaraz egitera animatzeko 'Zuk eta nik, nork bestela?' leloa sortu eta pegatinak eta mahaigainekoak egongo dira Udalaren arreta bulego guztietan». Gainera, Andoaingo Udalaren Euskararen Errolda elikatzen jarraituko du, Udalarekin harremana euskara hutsean izan nahi duten herritarren hizkuntza eskubideak errespetatu ahal izateko. Bestalde, euskara zeharlerrotasunez txertatuko du Udalak eguneroko kudeaketan eta funtzionamenduan, udal barruko ahozko nahiz idatzizko komunikazioak euskaraz izan daitezen. Eta hitzaldi, ikastaro nahiz ekitaldi publikoetan hizkuntzak kudeatzeko eta euskarari bere lekua emateko pausoak emango ditu, herritar guztien eskubideak errespeta daitezen. Bukatzeko, Udalak zerbitzu publikoak emateko kontratatzen dituen enpresa pribatuek ere hizkuntza klausulak betetzen dituztela bermatuko du.
Este contenido es exclusivo para suscriptores
Suscríbete los 2 primeros meses gratis
¿Ya eres suscriptor? Inicia sesión
Te puede interesar
-
-
-
-
-
El pueblo de Castilla y León que se congela a 7,1 grados bajo cero
El Norte de Castilla
Lo más leído
- 1 El exfutbolista de la Real Sociedad que trabaja de operario en una fábrica y no perdona a Griezmann
- 2 «Hay habitaciones en las que los bomberos no pueden entrar porque la basura llega hasta la puerta»
- 3 Verdeliss hace historia y se convierte en la primera mujer en ganar el World Marathon Challenge: «No he parado de vomitar»
- 4 El aparato que más electricidad consume tras la calefacción y las dos claves para ahorrar en la factura
- 5 El tocado de las mujeres vascas que fascinaba a los viajeros medievales: «Cada uno contaba una historia»
Publicidad