Secciones
Servicios
Destacamos
Larunbat honetan, hilak 9, Manuel Larramendi Kultur Bazkunak 'Andoaingo euskera, bihotzetik kalera!' deituriko ekinaldiaren barruan, Gastronomia eta Artisautza Azoka antolatuko du Andoaingo Goikoplazan, goizeko 11:00etan hasita. Egun osoko festa izango da.
Bertan, Euskal Herriko hainbat ekoizle elkartuko da bere ekoizkinak saltzeko, gastronomiaren alorrekoak eta artisautza langintza ezberdinetakoak. Guztira, 29 saltegi izango dira Andoaingo lehenengo azoka honetan.
Arduradunek azaldu duten bezala, «azokaren baitan tonbola ere antolatuko da, milaka opari banatuko dituena egun osoan zehar laguntza eman nahi dutenen artean: otorduak, eskapadak, talasoterapia saioak, abentura, kirola, literatura, musika, kontzertuak... Izan ere, azoka antolatu izanaren helburua Andoaingo erdigunean, bihotzean, euskararentzat egoitza berria zabaltzeko diru-bilketa egitea da; horra tonbola ipintzearen arrazoia. Tonbolako sariak Andoaingo dendari eta merkatariek emanak dira, baita azokara bertaratuko diren ekoizleek eta, herritik kanpo, Gipuzkoako beste denda, enpresa eta erakunde batzuek ere».
Egitarau alaia egongo da egun osoan zehar: Aire Eire taldearen musikak eguerdi aldera alaituko du plaza, antolatzaileak Txomin Parrilak erretako zizka-mizkak eta pintxoak, Gaztañaga sagardotegiko sagardoa eta Brewand Roll garagardoa banatzen dituzten bitartean laguntza ematen dutenen artean.
Arratsaldean berriz, 16:00etatik aurrera, Zillarriturri Toka txapelketa izango da plazan bertan, eta, 18:00etan, Andreurdiñarena Irrintzi txapelketa. Ordu bete geroago, berriz, Gaur8 taldearen erromeria soinuek alaituko dute plaza eta, ordurako, Txomin Parrilaren arkumeak erreta izango dira nahi dutenen artean dastatzeko.
Esan bezala, Goikoplazan antolatzaileek ipiniko duten tonbolan herritarrek ematen duten laguntzaren helburua Andoaingo kalean egoitza berria erostea da, herriko euskaltzaleen ekimenez antolaturiko ekintza eta ekitaldiek herritarren hurbiltasuna izan dezaten.
Xede horrekin eman zion Manuel Larramendi Kultur Bazkunak hasiera ekinaldiari eta xede horrekin ari da ipintzen bere itsulapikoa diruz betetzeko ekitaldi guztietan. Rural Kutxan ere kontu korrontea zabaldurik du dirulaguntzak eman ahal izateko.
Hurrengo hitzordua abenduaren 5ean izango da, Bastero Kulturgunean antolatuko den jaialdian.
Publicidad
Publicidad
Te puede interesar
El pueblo de Castilla y León que se congela a 7,1 grados bajo cero
El Norte de Castilla
Publicidad
Publicidad
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.