Andoain

Gipuzkoan Gazte Tour 2024 Andoainen, Soge Culebra, Anixe eta Láx Lazarorekin

Gipuzkoan Gazte Tour gaur hasiko da Andoainen, Ray-mond Naval koreografo ospetsuak emango duen masterclass batekin, Gazte Lokalean, arratsaldeko 18:00etan izango da. Bihar berriz, iluntzeko 20:00etatik aurrera, kontzertuak izango dira Basteroko kulturgunean: Soge Culebra, Anixe eta Láx Lazaro herriko artistarekin. Ayvee aurkezle lanetan egongo da.

16 eta 25 urte bitarteko gazte eta nerabeei zuzendua dago ekimena eta kultura eragileekin eta Udalekin lankidetzan garatu da, musika eta arte eszenikoak protagonista bihurtuta. Horrez gain, «Gipuzkoan Gazte Tour ekitaldi inklusiboa eta irisgarria da», nabarmendu zuten Gazte Lokalean egin zen aurkezpenean, Isaac Palencia Gazteriako zuzendariak eta Andoni Álvarez alkateak.

Prezio baxua edukiko dute, «kultura eta musika guztien eskura egon daitezen». Sarrerak, Basteroko webgunean jarriko dira salgai 3 eurotan.