Andoain

Zenbait egokitzapen egingo dira Doktor Huizi kalean irisgarritasuna hobetzeko

Aurki herriko errepideak eta galtzada asfaltatzeko lanei ekingo zaie. Lan hauek herri osoko galtzadari eragingo diote. Baina lan horiek abiatu aurretik, aldez aurreko lana eskatzen duten zenbait egokitzapen egingo dira Doktor Huizi kalean. Udaleko zerbitzuetako Brigadak egingo ditu eta helburua «zenbait inertziekin apurtu eta irisgarritasuna hobetzea» izango da, adierazi dute arduradunek.

Hala, egingo diren lanen artean daude: zebra bide jasoak egokitzea, hala ez dauden kasuetan; eskailera batzuk indargabetu eta beste batzuk indartu; aparkaleku batzuk ordezkatu beste batzuengatik; autobus geltokia berreskuratuko da auzoan.

Dagoeneko, Udaleko zerbitzuetako Brigada hasita dago honezkero lan horiek gauzatzen, eta egun batzuetan luzatzea aurre-ikusten da. Lan horiek amaituta, esan bezala, galtzadaren asfaltatze lanei ekitea izango da hurrengo urratsa.