Andoain

Ziako regataren ingururko lanen eraginak hurrengo astean

Jakina den moduan, Ziako regataren inguruko lanetan murgilduta dabil URA Agentzia azken garaietan, Ama Kandida etorbidean, Gudarien Etorbidean edo Kaletxiki auzoaren egunerokoan eraginez.

Datorren astean, hain juxtu, abuztuaren 5etik 9era bitarte gutxi gora-behera, Kaletxikiko ADIFeko tunelaren azpialdea itxita egongo da bertan egingo diren lagin-zulo edo kata batzuen ondorioz.

Hori dela eta tunela itxita egongo da ibilgailu zein oinezkoentzat. Kaletxikiko auzotarrek edo bertara doazenek Gudarien etorbidea baliatu beharko dute auzotik irteteko. Arantzibia kaleko bizilagunek lerroan aparkatu beharko dituzte gaur egun zeharka edo baterian aparkatzen diren ibilgailuak.