Astigarraga

Bigarren itzulia gaizki hasi du Mundarrok, 4-0 galduta Hondarribian

Bigarren itzulia gaizki hasi du Mundarrok, 4-0 galdu baitu Hondarribira egindako bisitan. Astigartarrak gaizki sartu ziren partiduan eta konturatu zirenerako 2-0 galtzen ari ziren. Horrela iritsi ziren atsedenaldira. Hondarribia une horretan jokalari bat gutxiagorekin geratu zen. Moreek, nahiz eta bigarren zati osoan nagusi izan eta partidaren pisua eraman, ez zuten inoiz partidari buelta eman ahal izateko sentsaziorik lortu. Etxekoak ongi defendatu zuten euren zelaian eta bi kontraeraso azkarretan 4-0eko emaitza lortu zuten.

Bere burua egoera zailean ikusi nahi ez badu, larunbat honetan partida oso garrantzitsua du Mundarrok Zarkumendegin Billabona azken sailkatuaren aurka.