Hernani

Gazte mailako aurresku txapelketa bihar Biteri kutur etxean

Bihar, igandea, Gazte Mailako Aurresku Txapelketa ospatuko da Hernanin. Hi-tzordua goizeko 11:00etatik aurrera Hernaniko Biteri Kultur etxean da, sarrera doan izango delarik.

Aia, Amasa-Villabona, Legazpi, Errenteria, Legorreta, Leitza, Lezo, herrietako 27 dantzari arituko dira.

Adinaren arabera, bi saila ezberdinetan banatuko dira: A sailean, 2015, 2016 eta 2017 urteetan jaiotakoak; eta B sailean berriz, 2012, 2013 eta 2014 urteetakoak.

Sailaren arabera, dantzariek honako dantzak eskaini behar izango dituzte: A sailakoek, Puntamotz eta Agurra; eta B sailekoek berriz, Erribera eta Legazpiko zortzikoa. Epaimahaia Jose Luis Vallejok, Katerin Artolak eta Olatz Azkuek osatuko dute.

Txapelketa hau, Gipuzkoako Dantzarien Biltzarrak antolatzen duen aurresku ligaren barruan dago, eta Hernaniko Udalaren, Kutxa Fundazioaren eta Gipuzkoako Foru Aldundiaren laguntzarekin antolatu du.