Lasarte

Gaur ireki du Ttakun Kultur Elkarteak udako txokoetako izen ematea

Aurtengo udan ere, Ttakun Kultur Elkarteak Udako Txokoak antolatuko ditu. Eta horretarako, izena emateko epea, gaur, martxoaren 25ean, 10:00etan, irekiko dute, datorren maiatzaren 9ra arte.

'Aisialdia gurian, hezigarria eta herrian' lelopean, Ttakun Kultur Elkarteak eskaintza erakargarria prestatu du aurtengo udako txokoetarako. «Etxeko txikiek eta gaztetxoek aukera paregabea izango dute udan euskaraz, herrian eta elkarrekin aritzeko! Lagunen batura, gure herriko uda!», azaldu dute arduradunek. Beraz, Lasarte-Oriako haur eta gaztetxoek udarako oporraldiaz euskaraz disfrutatzeko antolatzen dira txokoak.

Goizero, aisialdi jarduera ezberdinak egiten dituzte (jolasak, tailerrak, txangoak...), eta, noizbehinka, egun osoko jarduerak. Hiru programazio dituzte horretarako: HH3-HH4, HH5-LH2 eta LH3-LH6. Xehetasun gehiago, labur.eus/txokoak2025.