Urnieta

Aurreko urteetan bezala, belar bolak egiteko dirulaguntza ahalbidetu da

Aurreko urteetan bezala, belar bolak egiteko dirulaguntza ahalbidetu da berriro. Belar-bolen zerbitzua Urnietako baserritarren artean estimatua da eta Behemendi bidez egiten da.

Zerbitzu honen bitartez herriko berlardiak urtean behin behintzat makina bidez moztea eskaintzen da, honek ingurumenean eta paisaian sortzen dituen abantailekin. Era berean, belardien mantenu egoki bat ahalbidetzen da. Egiten diren belar bola gehienak plastikoarekin biltzen dira urtean zehar ganaduari janari bezala eman ahal izateko

Dirulaguntza 6.000 eurokoa da, eta belar bola bakoitzeko gehieneko prezioa 2,20 eurokoa izango da. Aurreikusitako bola kopurua gainditzen bada, prezioa estutu egingo da. Dirulaguntza jaso nahi duten baserritarrek Behemendi elkarteari egin beharko diote eskaera.

2025eko ur hornidura, estolderia eta zaborrak bildu eta deuseztatzeko zerbitzuaren tasetan hobariak eskatzeko epea ireki da eta 2024ko urriaren 31n amaituko da.

Hobaria emateko irizpideak ondorengoak izango dira: Familia unitatearen diru-sarrera urteko 15.120 euro baino txikiagoa bada %90eko hobaria; familia unitatearen diru-sarrera urteko 15.120-22.680 euro artekoa bada, %50eko hobaria. Kontuan izango dira bizikidetza unitateko kide guztien ondarea eta ondasun higigarriak.

Hobaria urtero eskatu beharko da eta ez du atzeraeraginik izango. Interesdunek eskuragarri izango dute hobarien inguruko informazioa eta eskaera orria Urnietako udaletxeko Bertan bulegoan.