Urnieta

Egape dantza taldeak emanaldiak eskainiko ditu bihar Saroben

Egape Dantza taldeak bi emanaldi eskainiko ditu bihar, ekainaren 16an, Sarobe arte eszenikoen gunean. Lehenik, helduen txanda izango da 18:30ean. Plus taldeko 10 dantzarik, bigarren aldiz parte hartuko dute Sarobeko emanaldian sei koreografiekin: Geltokia, Banako, Zugarramurdi, Kaixarranka, Gernika eta Zuria. Sarrera librea izango da aforoa bete arte.

Ondoren, 19:30ean gazteen emanaldia izango da. Egape DT-ko 46 dantzari gaztek ikuskizun berri bat taularatuko dute, azken ikasturtean landutakoa herritarrei eskaintzeko. 17 koreografi berritzaileez osatutako ikuskizuna izango da. Kasu honetan sarrerak 3 euro baliko ditu eta 2KN Okindegian edo txarteldegian eskura daitezke.