Urnieta

Euskaraldiko prestaketa lanei ekiteko lehen bilera azaroaren 4an izango da

2025eko maiatzaren 15etik 25era egingo den Euskaraldian herri gisa parte hartzeko izena eman du jada Urnietak. Hori dela-eta, prestaketa lanekin hasteko, azaroaren 4an 18:30ean Elkarteen Etxeko (San Juan kalea 42) 1. solairuko 6. gelan lehenengo bilera egingo du Urnietako Euskaraldiaren antolaketaz arduratuko den Batzordeak.

Bilkurara agertzeko deia egin nahi zaie Batzordean parte hartzeko prest dauden Urnietako elkarte, ikastetxe, erakunde, talde eta norbanako euskaltzale guztiei, 2025eko Euskaraldiaren leloak dioena gauzatzen hasteko: Elkar mugituz, egingo dugu.