Urnieta

Mendi Tourrak zinemarik onena ekarriko du ostegun honetan Sarobera

Mendi Tourra, Mendi Film zinemaldiko pelikula onenen zirkuitu ibiltaria, Sarobera iritsiko da ostegun honetan, irailaren 26an. Saiora bertaratzen direnek mendiko zinemarik onenarekin gozatuko dute beste behin, BBK Mendi Film Bilbao Bizkaia zinemaldiaren iazko edizioan nabarmendu ziren 5 pelikulekin.

Mendia, abentura, muturreko kirolak eta naturako gaiak jorratzen dituzten pelikula zoragarriek osatuko dute aurtengo programazioa. Guztiak dira obra gomendagarriak mendizaleentzat, zinemazaleentzat nahiz publiko zabalarentzat.

Euskal egileen lanak gailenduko dira, bostetik lau pelikula bertako zuzendarienak baitira, jada euskal egileek mendi zinemagintzaren industrian duten proiekzioaren erakusle.

Urnietako Udalak babestutako eta Zanpatuz Mendi Elkarteak lagundutako ekimena da. Hitzordua 19:00etan izango da eta sarrera librea edukiera bete arte.

Zintak hurrengoak izango dira: La Gara, Oinez, Captains on el cap, Zerbait aldatu da eta Canto rodado.