Neguko azoka ostiralean Egape Ikastolan

Urtero legez, Gabonen atarian, eskolako azken egunean, Neguko azoka antolatuko dute ostiralean. Azoka, Egape HLHI eta Egape DBHko ikasleak elkarrekin ospatuko dute Egape Ikastola HLHI eraikineko frontoian.

Lehenik eta behin, 10:30ean zeramika, postre, barazki eta txorimalo erakusketa zabalduko da eta jarraian, Haur eta Lehen Hezkuntzako ikasleek oholtza gainean Gabon kantak abestuko dituzte. Jarraian, 11:30ean, azokako produktuen dastaketa zabalduko da: txistorra, gaztain erreak eta etxeko postreak. Ordu berean, ikastetxeko futbol zelain, herri kirolak egingo dituzte HH eta LHko ikasleek. Amaitzeko, 12:00etan, txerrikumearen zozketa egingo da eta azokari amaiera emango zaio.