Azkoitia

127 lagun Plaza Ondoren azken irteeran

Plaza Ondo jubilatuen elkarteko kideek ez dute aukerarik galtzen lagunartean batera eta bestera ibiltzeko eta giro ederrean egunak igarotzeko. Lapurdiko eta Nafarroako hainbat txoko bisitatzeko aukera izan zuten jubilatuek pasa den astean eta erantzun ezin hobea izan zuen irteerak, 127 lagun elkartu baitziren egun pasarako. Plaza Ondo elkarteko zuzendaritzatik adierazi dutenez, goiza Miarritzen eta Baionan igaro zuten eta Donezteben bazkaltzeko aukera izan zuten ondoren. Antolatzaileen esanetan, «giro ederrean» igaro zuten eguna irteeran parte hartutako kideek.